نكتة : دخلت حمام مطعم

كنت في مطعم بأكل وبعد ما خلصت أكل دخلت الحمام
لقيت واحد في الحمام اللي جنبى
بيقولى ازيك عامل ايه وسكت
وبعدين قالى يابني سامعنى
بقولك ازيك


قلتله الحمد لله بخير
قالي ايه الأخبار وازى الشغل
قلتله كويس كله تمام
بعد كده قالى انت بتعمل ايه
قلتله هكون بعمل ايه يعنى في الحمام
قالي لوحدك
ضحكت و قلتله اه لوحدى
قالي طب انا جاى
قلتله تيجي فين ياعم انت عبيط
لقيته بيقول
طب اقفل يا ادهم دلوقتي
عشان فى واحد حمار فى الحمام اللي جنبي
فاكرني بكلمه